1. Давхарлан үдсэн цаас, олноор нь хавсарч товхисон цаас: зургийн дэвтэр (зураг зурах, дүрслэх үдмэл цаас), нотны дэвтэр (нот тэмдэглэх үдмэл цаас), өврийн дэвтэр (а. Биедээ авч явах авсаархан жижиг дэвтэр; б. Тэмдэглэлийн дэвтэр) - Намын үүрийн дарга товчооныхоо гишүүдийг хүлээх завсар өврийн дэвтэр нээж хийсэн бөгөөд одоо хийх ажлаа эрэгцүүлэн бодож суув. Л. Түдэв. Нүүдэл суудал., санал гомдлын дэвтэр (үйлчилгээтэй холбоотой сайн, саар зүйлийн талаар хувийн саналаа бичих дэвтэр), сурлагын дэвтэр (авсан дүнг нь бичиж эцэг эхтэй харилцах дэвтэр), тэмдэглэлийн дэвтэр (тэмдэглэл хөтлөх зориулалттай бичиг цаас) - Нөхөр минь хэлсэн цагт хожимдолгүй ирэх хэрэгтэй гэж хэлэх зуураа өврөөсөө тэмдэглэлийн дэвтэр гаргаж, Солонго хөгжимчин гэж бичсэнээ, аль баг вэ? гэж асуув. Ч. Лодойдамба. Солонго., хадгаламжийн дэвтэр (иргэдийн банканд мөнгөө хадгалуулсан тухай албан ёсны баталгаатай дэвтэр) - Аавыг нь нас барахад сум нэгдлийн захиргаа гэр орны нь бүх хогшил, тавилгыг зах гарган зарж борлуулсан бөгөөд түүгээр охины нэр дээр хадгаламжийн дэвтэр нээсэн юм байжээ. С. Надмид. Харнүдэн., дэвтрийн гадар (дэвтрийн хавтас), дэвтрийн нүүр (дэвтрийн өмнө тал), ном дэвтэр [хоршоо] (унших, бичих зүйл) - Yнэхээр ч хэдэн өдрийн турш борви бохис хийхгүй гүйж баймаажин ном дэвтэр, шохой, харандаа, үзэг зэрэг нэлээд юм төхөөрч хэдэн үхэр тэрэг олж хөлслөн ачуулаад өөрөө өртөөгөөр явжээ. Ч. Лодойдамба. Тунгалаг тамир;

---

2. Ном бичгийн нэг боть, товхиос: тэргүүн дэвтэр (нэгдүгээр боть), дэд дэвтэр (дэд боть);

---

3. [хуучирсан] Түүхийн эрих, товч.