1. Тодорхой орон зайд өөр зүйл ахиж багтаах зайгүй болох, багтаамжгүй болох: аяга дүүрэх (аяганд хийсэн зүйл амсарт тулах) - Пөөх, аяга дүүрэх нь ээ. П. Баярсайхан. Хүн гөрөөс., хувин дүүрэх (хувин бялхах), атгахад атга дүүрэх, тавихад тал дүүрэх [оньсого] (нүд), *сав нь дүүрэх (а. Сэтгэл ханах; б. [шилжсэн] Хийсэн муу үйлийнхээ лайг эдлэх), тулам нь дүүрэх (муу хэрэг бүхнийг үйлдэж гүйцэх, нүглийн сав нь дүүрэх);

---

2. Шигүү, нягт, олон болох - Баяр ёслолын үед талбайд хүмүүс дүүрэв. “Утга зохиол урлаг” сонин., ганцаас газар дүүрэх, хоёроос хороо дүүрэх [зүйр цэцэн үг] (тариа будаа, мал сүрэг мэт өсөж үржих гэсэн санаа);

---

3. Автагдах, эзлэгдэх: баяр хөөрөөр дүүрэх (баяр хөөрөөр бялхах) - Долгорын сэтгэл бүүр ч гунигаар дүүрэв. С.Лочин. Сэтгэлийн өнгө;

---

4. [шилжсэн] Ходоод, гэдсэнд хий хуримтлагдах - Түүнчлэн тэмээг багалуур идэж гэдэс нь дүүрэхээс урьдчилан сэргийлэхийн тул арчилгаа маллагааг тохируулах явдал хамгийн чухал болно. Ж.Самбуу. Мал маллагааны арга туршлага.