1. Тодорхой байгууллагын үйл ажиллагааг зохицуулах үүрэгтэй эрх зүйн хэм хэмжээний баримтын нэг хэлбэр, ямар нэгэн юмны хэм хэмжээг тогтоосон заавар, журамласан зүйл: намын дүрэм (намын гишүүдийн мөрдөх журам), техникийн аюулгүйн дүрэм (техникээр ажил гүйцэтгэх аюулгүй ажиллагааны тогтсон заавар), дүрэм бус үйл үг (тодорхой дүрмээр зохицуулагддаггүй үйл үг), дүрэм зөрчих (тогтсон журам, зааврыг биелүүлэхгүй байх) - За, хамаг юм чинь дүрэм ёсоор байгаа юм байна. Б.Ринчен. Сандо амбан., дүрэм журам [хоршоо] (албан ёсны журам), дүрэм заавар [хоршоо] (тогтоон баталсан журам), байдал дүрэм [хоршоо] (ёс горим) - Тэр мэт байдал дүрмийг үзвээс, хэрхэвч ийнхүү үхэх нь бус мэт. В.Инжаннаши. Улаанаа ухилах тэнхим., хууль дүрэм [хоршоо] (хууль, тогтоол зэргийн ерөнхий нэр, албан ёсоор баталж хуульчилсан журам), дүрмийн шаардлага (дүрмийг биелүүлэх нөхцөл), дүрмийн заалт (дүрмийн нэгж тодорхойлолт), *дүрэм судлуулах (хугацаат цэргийн алба хааж буй байлдагчийг удаан хугацаагаар дүрэм уншуулж зогсоон дэглэх);

---

2. Ямар нэгэн үзэгдлийн зүй тогтол, байнгын харьцааг үзүүлсэн байдал: зөв бичих дүрэм (утга зохиолын хэлний үгийг бичих тогтсон хэм хэмжээ), үсгийн дүрэм (зөв бичих дүрэм);

---

3. Сүрхий, маяг сүр: дүрэм үзүүлэх (сүр үзүүлэх) - Лам нарыг сүрдэм их дуутай пуужин тавихад түүний хажуугаар муу гар буугаараа чол хийтэл буудаж их л дүрэм үзүүлж явав. С.Дашдэндэв. Улаан наран;

---

4. Хэвшиж нэгэнт заншсан ёс журам: хэв дүрмээс гажих (тогтсон хэв журмыг зөрчих);

---

5. Юмны дүр дүрс, төрх, төлөв байдал: байдал дүрмийг дагах (төлөв байдал, сахилга батыг мөрдөх) - Дүрэм дүрсгүй юм хөврүүлэн байв. Ц.Уламбаяр. Зам ямар байна.