Дуу бүхий: дуут дохио (дуугаар дохио өгөх хэрэгсэл), дуут нуур (өвөрмөц шуугиан, цуурай гаргадаг нуур), дуут манхан (хүнгэнэн исгэрэх дуу гаргадаг манхан), дуут гурил (төмсний гурил), дуут жагсаал (дуулан явах цэргийн жагсаал), дуут хавдар (үхэрт тусах нэг зүйл халдварт өвчин; үхэрт энэ өвчин хүрвэл бие нь гэнэт их халуурч, зузаан булчин маханд нь хавдар гүйж, хавдартай газарт нь хий хуралдаад тэмтрэхэд шуугьж нужигнасан дуу гардаг) - Сүрийг бадруулагч жанжин Фү гэдэг бие өндөр туранхай чийрэг өвгөн өглөө бүр цэргээ сургууль хийлгэж, хахир дуут цэргийн бүрээ үлээж... Б.Ринчен. Гүнж;

---

2. Өвөрмөц дуутай: дуут болжмор [амьтан] (а. Гоо болжмор; б. Жиргэмэл), дуут жадуулай [амьтан] (нэгэн зүйл хөхөөний нэр, толгой хүзүүндээ хар бидэртэй, сүүл жигүүр нь хөх, жигүүрийн үзүүр цагаан, шөнөжин дуугардаг шувуу; том жадуулай), дуут могой [амьтан] (хоёр метр орчим урт, дөрвөлжин хар толбо бүхий шар ногоон өнгөтэй нэгэн зүйл хорт могой; хоржигнуур могой).