1. Юмны дутуу нь; хомсдол, гачигдал: дутагдал бараа (дутуу бараа), мөнгөний дутагдал (мөнгөний гачигдал), дутагдлыг нөхөх (дутууг гүйцээх, бүрэн болгох) - Унаа унашаар дутагдалтайгаа дээр ярьсан. П.Лувсанцэрэн. Хөдөөгийн дуун., алдагдал дутагдал [хоршоо] (алдаа ташаарлаас үүдсэн хорогдол, хохирол), гэм дутагдал [хоршоо] (алдаанаас үүссэн доголдол), хорогдол дутагдал [хоршоо] (хорж дутах явдал);

---

2. Алдаа, доголдол: дутагдал гаргах (ажлын дунд ямар нэг алдаа, доголдол гаргах), дутагдлаа засах (доголдол, муу араншингаа засах) - Нээрээ дутагдлаа яриад өнгөрөхөөр яаж засахаа, юу хийхээ ярьсан нь дээр юм гэлцэнэ. Л.Дашням. Бурхантын цэцэг., алдаа дутагдал [хоршоо] (гэм доголдол), дутагдал доголдол [хоршоо] (аль нэг зүйл дутагдсанаас гарсан алдаа мадаг, гажуудал);

---

3. Биед хэрэгцээт бодис дутагдсанаас үүсэх эмгэг: витамины дутагдал (хоол, тэжээлийн амин дэм багадах), иодын дутагдал (бие махбодын иодын хэмжээ буурч багасах өвчин), төмрийн дутагдал (ясны, зөөлөн эдийг бэхжүүлэгч төмөр, кальцийн хэмжээ багасах эмгэг).