1. Төмөрлөгийн зүйлийг дээр нь тавьж давтан цохих хэрэгсэл: гүн зэрэгтэй дөш (нарийн урлал хийдэг дөш), хөлтэй дөш (тулгуур суурьтай дөш), гадсан дөш (шовх хэлбэрийн дөш), ширмэл дөш (ширээж хатаасан дөш), дархны дөш (төмөрлөгийн зүйлийг давтах, цувих хэрэгсэл), азарган дөш (мунцгар бөөрөнхий дөш), зуудаг дөш (төмөр мод зэргийг хавчуулдаг, хошуундаа чангалдаг бариул бүхий дөш), тахир дөш (мөнгө хөөдөг дөш), таглитай дөш (төмөр, мөнгө нүхлэх, тав хадахад хэрэглэх дөш), дөшний суурь (дөшийг хөдөлгөөнгүй болгон бэхлэх суурь) - Дөшийг тусгай модон сууринд хөдөлгөөнгүй зоосон байх учиртай. Ж.Самбуу. Мал маллагааны арга туршлага., дөшний толь (дөшний гөлгөр нүүр), алх дөш [хоршоо] (төмөрлөгийн зүйлийг давтах, нимгэлэн цохих багаж, хэрэгсэл) - Хас зуны нэг өдөр бор гэрийнхээ хаяанд алх дөш хэрэглэн дархлах ажлаа хийж, наранд шарагдан суухад хүмүүс түүний хийж байгаа зүйлийг сонирхоно. Б. Ширэндэв. Далавчилдаг хүн., дөргүй үхрийг номхон гэдэггүй, дөшгүй хүнийг дархан гэдэггүй [зүйр цэцэн үг] (чадвар дадал олоогүй байж мэдсэн сурсан гэж сайрхаж болохгүй гэсэн санаа), дөш эмээл (дөрвөдүүдийн хэрэглэж байсан хуучны эмээл), дөшин чулуу (шоо дөрвөлжин чулууг ханын толгойноос уяж аргамжсанаа тайлахгүйгээр салган авах арга ухааныг уралдуулдаг монгол наадам),

---

2. Бие бүтцийн зүй; дунд чихний нэгэн жижиг яс; дөрөө яс; дөш яс (сонсголын эрхтнийг бүрдүүлэгч нэгэн жижиг яс);

---

3. Хар хүрэн өнгөтэй, хагалбаас шар зэв гардаг хавтгай дөрвөлжин хэлбэртэй чулуу, эмнэлэгт хэрэглэнэ: дөш чулуу (дөрвөлжин чулуу);

---

4. [шилжсэн] Хөлдүү - Би дөш болсон мөсөн дээр уналаа. С.Удвал. Та бид уулзана.