1. Гадаад гэдгийн эсрэг, юмны доторх: дотоод гогцоо (малгайны оройн дотор хадаж барих оосор), дотоод нугарал [хэл шинжлэл] (үгийн язгуурын аль нэг авиа сэлгэн хэл зүйн утга өөрчлөх ёсон), дотоод сэтгэл (бодол санаа), дотоод хормой (монгол дээлийн хормой гадаад хормойн дотуур зөрсөн хэсэг) - Өвгөн гарынхаа тосыг дотоод хормойдоо яаралгүйхэн арчина. З.Баттулга. Уяхан замбуутив., дотоод энгэр (дээлийн дотоод хормойн дээд хэсэг), дотоод хэл шинжлэл [хэл шинжлэл] (хэл, хэлний нэгжийн дотоод тогтолцооны хэлбэр, харьцааг судалдаг хэл шинжлэлийн салбар), дотоод хэлэхүй [хэл шинжлэл] (а. Өөртөө хандсан хэлэхүй, “дотоод хөтөлбөр” гэж нэрлэдэг гадагш илэрхийлээгүй хүүрнэл; б. Амаа хөдөлгөж авиа гаргалгүй “дотроо ярих”; дотоод хэлэхүйг судлах нь сэтгэхүйн зүй тогтол, хэлэхүйтэй ямар харьцаатайг ойлгоход тус дөхөм болдог), дотоод шаталтын хөдөлгүүр (ажлын хөндийдөө шатсан түлшний химийн энергийн хэсгийг механик энергид хувиргадаг дулааны хөдөлгүүр), дотоод шүүрлийн булчирхай [анагаах] (цус руу даавар ялгаруулах үүрэгтэй булчирхай), гадаад дотоод [хоршоо] (а. Дотор гаднын аль алин нь; б. Эх орон хийгээд харь гүрэн);
--oOo--