1. Шашны ойлголтоор тэнгэрийн орон. Тоост ертөнцөөс бусад бурхан сахиулсан орших ариун амгалангийн орон, энхжингийн орон: диваажинд аваачих (бурхны амгалант орноо хүргэх), диваажинд очих (тэнгэрийн оронд залрах) - Елина өдөр ирэх бүр түүнд ухаангүй дурлаж, мөнхийн диваажинд очих гэж буй мэт жолоо алдаж байв. Ц. Түмэнбаяр. Тайган., диваажинд төрөх (ариун амгалангийн оронд төрөх) - Чи намайг тамаас гаргаж диваажиндаа аваачиж өгөөрэй. “Цог” сэтгүүл;

---

2. [шилжсэн] Хүний аж төрөхөд ая тухтай нөхцөл бүрдсэн орчин газар, жаргалын орон - Хамгаас заяасан монгол минь харц ардын диваажин минь. М.Цэдэндорж. Есөн хүсэл.