1. Төмөрлөгөөр дарх хийдэг урч хүн: дархан хүн (дархнаар мэргэшсэн хүн) - Усан мандалд ганхах лянхуа цэцгийг ч юм уу, аль эсвэл цаст уулын дүнжингарав цэцгийг ээжид минь урлаж өгөөгүй энгийн нэгэн цагаан уул урлан, дэрэнд нь залсан тэр дархан хүн бурхан ухаантай байжээ. Л. Дашням. Миний ээж., дархны багаж (мод, төмрөөр урлах хэрэгсэл) - Гэрийн хоймор эл хуль, баруун талд дархны багаж дэлгээстэй, жижиг сум модон ширээн дээр өөд нь харуулж тавьсан мөнгөн аяганы ирмэг галын гэрэлд гялалзан харагдана. П. Лувсанцэрэн. Мөнгөн аяга., дархны газар (дархны үйл хийдэг мэргэжлийн газар) - Лувсан гуайн гэр, түүний хавь газар ямар нэгэн дархны газар шиг санагдана. Д. Цэдэв. Цагаан сар., алт мөнгөний дархан (үнэт төмөрлөгийн дархан) - Тэр шар сүмийн хамба ламын хамаг үнэтэй цайтай алт мөнгөний дархан хийж амьдардаг байжээ. П. Хорлоо. Багш., нарийн дархан (нарийн ширийн зүйлийг урладаг дархан), төмрийн дархан (төмрөөр урлал хийдэг хүн) - Хэдэн жил төмрийн дархан байгаад 1952 оноос механикч болжээ. Б.Бааст. Алтайн хөх дөнөн., уран дархан (нарийн урлал хийдэг дархан) - Та нар залуу улсад сургаж зааж өг гэж хэлээд тэднийг уран дархан учир буцаасан бичиг шагнал хүртээж явууллаа. С. Удвал. Их хувь заяа., дархан хүн бурхан ухаантай [зүйр цэцэн үг] (дархан хүн аливаа юмны учир зүй, эвийг сайн олж чаддаг гэсэн санаа) - Хумсын чинээ ч алдалгүй гагнадаг нарийн дархан манай Гүнтэв гуай шиг хүн. Л.Дашням. Нялх ногоо;

---

2. [шилжсэн] Модоор урлал хийдэг хүн: модны дархан (мужаан) - Бас модоч дархан Гүчүгүрт өгөх иргэн дутагдсан. Монголын нууц товчоо;

---

3. [шилжсэн] Яргачин, бойч, мал нядлаач хүний цээр нэр - Үхрийн аман хүзүүг тусгайлан зан үйлийн зориулалттайгаар мал нядлаач “дархан хүн”-д чанаж өгнө. Х.Сампилдэндэв. Малчин ардын зан үйлийн уламжлал., *дархан хүний эхнэр сүйхгүй, эмч хүний эхнэр хамаргүй (амьдрал ахуйдаа ч хэрэг тус болж чадахгүйгээр бусдын төлөө ажиллах гэсэн санаа).