Их төлөв усан үзэм, амууг удаан хугацаагаар исгэн дарж, нэрж хийх архи: улаан дарс (жимсний улаан өнгийн вино) - Бид гурав онгоц нисэхийг хүлээж португалийн улаан дарс уухаар сууцгаалаа. С. Эрдэнэ. Изабелла., үзмийн дарс (үзмийн вино) - Цэцгийн нахиаг ширгээсэн цоолмол хээт хятад газрын гангар шаазан хэрэгсэл эздийн өмнө өрөгдөж, вааран лонхтой пү туу хэмээх үзмийн дарс, шийрсэн поолуутай амтат мэглүү зэрэг сархад идээг өрж, зүйл өнгийн зоогийн зууш тэргүүтнийг өржээ. З. Баттулга. Төвшинтөгс., цагаан дарс (жимсний тунгалаг вино), дарсны чулуу (C4H5O6 дарсны чулуун хүчлийн калийн давс; усан үзмийн шүүс исэлдэхэд энэ нэгдэл үүсэж дарсны чулуун хүчлийн гол эх үүсвэр болдог), архи дарс [хоршоо] (согтууруулах ундаа) - Дав дээр далан хундага, даруй талд нь наян хундага архи дарс, арз хорзыг уужээ. Халх ардын тууль., бор дарс [хоршоо] (а. Сархад; б. Архи, айраг хольж найруулан гаргасан болон, айрагт элдэв жимсний зүйл хольж, эсгэн нэрж гаргасан архи), унд дарс [хоршоо] (ундаа дарс, уух юм), дарсан чулуу (дарсны хүчлээс авсан калийн чулуу).