1. Морь, малын нуруу зэргийн нухагдан гарсан яр шарх, идээ бээр: адууны даарь (адууны нуруу холгогдсон яр шарх), даарь болох (морь, малын холгогдсон яр, шарх тавхайж зузаарах) - Морины нуруу нухагдсаар даарь болов. Ч.Лодойдамба. Тунгалаг Тамир., даахь нь унахгүй, даарь нь ховхрохгүй [зүйр цэцэн үг] (эцэнхий, ядмаг гэсэн санаа), даарин дээр нь давс нэмэх [зүйр цэцэн үг] (байдлыг улам муутгах гэсэн санаа) - Нэгэн хүн үг хэлж, Дүйнхэр, Мандбай хоёрын залхуу хойрго, өөдгүй байдлыг шүүмжилж, даарин дээр нь давс хийж нэлээд сандаргажээ. Л.Түдэв. Уулын үер;

---

2. Хир буртаг, хөлс шороо нэвчин дагтаршсан зүйл: тохмын даарь (тохомд морины хөлс нэвтэрч, даг болсон нь) - Бодончар урагт эс тоологдох атал, энд юу хийж сууна гээд гол даарьт, годил сүүлт орог шинхул морио унаж үхвэл үхье, амьдарвал амьдаръя гэж Онон мөрөн уруу зорьж одов. Монголын нууц товчоо., даг даарь [хоршоо] (хир буртаг) - Аюур гуайн савтай усны шавхруугаар нүүрийнхээ өлөн хирийг норгож даг даарь болсон хар алчуураар нүүрээ арчлаа. П.Хорлоо. Багш.