1. Яс, мод зэрэг хатуу зүйлийг дөрвөлжлөн засаад нэг талд нь улаан цагаан өнгөөр ялган хоёроос арван хоёр нүх гаргаж хийсэн жаран ширхэгтэй нэгэн төрлийн тоглоомын пай; жаран хар: даалуу авах (даалуудах), даалуу өрөх (а. Тоглохын өмнө засаж бэлтгэх; б. Даалуудах), даалуу тавих (даалуудах) - Тэнд мөрийтэй даалуу тавих, архи уух зэргээр дураараа дургиж сууна. Д.Гонгор нар. Д.Сүхбаатарын тухай дуртгалууд., даалуу тоглох (даалуугаар наадах) - Энэ хувиараас болж Цамбын даалуу тоглох нь хасагдаж, анхандаа дургүй шиг байснаа сүүлдээ үг хэл гаргахгүй болжээ. Л. Түдэв. Нүүдэл суудал., даалуунд хорхойтой (даалуу тоглох дур шуналтай, даалуу тоглох дон хүсэлтэй), мөрийтэй даалуу (хожилд мөрий тавьж тоглох даалуу) - Аав маань өдөр шөнөгүй мөрийтэй даалуу тоглоно, хожно ч гэж ёстой үзүүлээд өгнө дөө. Д. Мягмар. Газар бид хоёр., модон даалуу (модоор хийсэн даалуу), суман даалуу (сум модоор хийсэн даалуу), ясан даалуу (ясаар хийсэн даалуу) - Чанцалын орж ирэхэд Балбар хэдүүл дөрвөн ханатын хоймрыг бүрхсэн хивс дээр ясан даалуу тачигнуулж суулаа. С. Эрдэнэ. Малын хөлийн тоос., даалуу үүлүү ~ үүлүү даалуу [хоршоо] (мөн тоглоомын ахлах даалуу, том мод), даалуу хуутуу (даалуу үүлүү) - Албаны бололтой хүнтэй гурвуул даалуу тоглож суув. С.Дашдэндэв. Улаан наран;

---

2. Мөн тоглоомын арван хоёр нүхтэй мод: даалуугаар барих (а. Бусдын модыг даалуугаар идэж, гэр барих; б. Даалуугаар ахалж идэх), даалуугаар дуудах (өөрт даалуу бийг зарлан ахлуулж идэх), даалуугаар идэх (бага модыг даалуугаар барьж идэх), даалуугаар нүүх (даалуу гаргах), хамбан эрээн даалуу, хар мөрний жанжин, энэ наадмын эзэн, эрээн алаг даалуу (даалууны гуншин).