1. Айлтгах үйлийн н‎эр, өргөн мэдүүлсэн албан бичиг - Олон янзын айлтгал дотроос нэгэн дээр нь хараа тусав. Л.Түдэв. Алтан гадас чигийг заана;

---

2. [хүндэтгэл] Д‎ээд хүнд сонсгох үг, өргөх бичиг: айлтгал эвхмэл [хуучин] (тусгайлан мэдүүлэн дэвшүүлэх нугалбар бүхий албан бичиг), айлтгал бичиг [хуучин]  (хууль ёсоор тогтмол мэдүүлэн дэвшүүлдэг албан бичиг), айлтгал өргөх (а. дээд хүнд бичиг өргөн сонсгох; б. сүсэгтнээс онгод тэнгэрт хандаж, идээ өргөхийн хамт хүсэлтээ илэрхийлэх), айлтгал хүргэх (дээд хүнд сонсгох үг хүргэх),  айлтгал айлдах (онгод тэнгэрүүдээс бөөгөөр дамжуулан сүсэгтэнд хандаж чиглэл зорилгыг нь тодорхойлох), айлтгалын үг (дээд хүнд өргөх бичгийн найруулга) - Хуучны хуульч түшмэлийн нүдээр үзвэл, энэ айлтгалын үг найруулга нь бүдүүн өвс багтамгүй найруулсан юм байна даа. Б.Ринчен. Үүрийн туяа., сургаал айлтгал [хоршоо] (мэргэд болон ахмад хүний хэлсэн үг);

---

3. Биечлэн хэлэх хүсэлт - Над энд тавих айлтгал байна. Д.Намдаг. Ээдрээ.