Гэм бүхий, гэмтэй: гэмт үйлдэл (гэмтэй үйлдэл), гэмт хэрэг (гэм бүхий хэрэг) - Данзан нөхрийнхөө ямар нэг гэмт хэрэг үйлдсэнийг дотроо гадарлан босон харайж, хоёр муу шаахайгаа өмсөв. Д. Намдаг. Цаг төрийн үймээн., гэмт хэрэгтэн (гэм үйлдэгч) - Ингэснээрээ та гавьяатай биш, харин ч төрийн гэмт хэрэгтэн ч байж мэднэ. Д. Намдаг. Ээдрээ., гэмт этгээд (гэм бүхий этгээд) - Жамба гуайг хонин дээрээ хүрч очиход гэмт этгээдүүд хэдийнээ зайлж одсон байна.  С. Надмид. Хар нүдэн., гэмт ялтан (гэм үйлдэж, ял эдлэгч) - Хууль цаазын ёсоор гэмт ялтнуудыг ариутган цээрлүүлж... Д.Сүхбаатарын тухай дуртгалууд., гэмт хүн гэлбэлзэж, дайрт морь дайвалзана [зүйр цэцэн үг] (гэмт хэрэг үйлдсэн хүн өчүүхэн юманд сандардаг гэсэн санаа), гэмт хүн сэжигч, дайрт морь шарваач [зүйр цэцэн үг] (гэм хийсэн хүн юухнаас ч айж цочно гэсэн санаа).