1. Нэгэн хүчтэй өргөлтөөс нөгөө хүчтэй өргөлт хүртэлх хөгжмийн аялгууны хэмжээний нэгж: айзмын зураас (айзмын ялгах хөгжмийн аялгууны ноотны богинохон босоо зураас), айзмын угтвар (айзмын нэгдүгээр зураасны өмнөх ноот, бүтэн айзам болохгүй), айзмын хэм хэмжээ (айзмын байгуулалтыг тодорхойлох бутархай тоон хэмжигдэхүүн), шүлгийн айзам (шүлгийн хэмнэл), айзам хэмнэл [хоршоо] (хэм хэмнэл, хэм хэмжээ);

---

2. Эрхэмсэг хүндэтгэлийн утга бүхий монгол ардын уртын дууны төрөл: айзам дуу (найрын эхэнд дуулдаг хүндэтгэлийн уртын дуу) - Гэтэл айзам уртын дуу дуулдаг хүнгүй болчихлоо. “Утга зохиол, урлаг” сонин;

---

3. Хөгжим аялгууны цохилго-зохицолт хөдөлгөөн: айзам таарах (ая, хөдөлгөөн таарах);

---

4. Үйлийн хэмнэл, давтамж;

---

5. [уран зохиол] Шүлэглэсэн зохиолд тодорхой хугацаанд давтагдах эрэмбэлэгдсэн хөдөлгөөн, бадаг, шадын хоорондын төсөө бүхий хэллэгийн тодорхой эрэмбэт давтамжид суурилсан зохирол.