1. Зорьсон хүссэн үйл явдал хангагдах: санаа гүйцэх (санаандаа хүрэх, сэтгэл ханах) - Жаргал боловсорвол миний санаа гүйцэх нь тэр. Д. Равжаа. Юу айлдсаныг., хүсэл гүйцэх (хүсэл биелэх) - Хүүгээ сайн хүн болгож, эхээ асран жаргалтай явбал миний хүсэл гүйцэх нь тэр. Н. Банзрагч. Зам;

---

2. Юм төгсөх, дуусах, барагдах: хийж гүйцэх (хийж дуусах), хугацаа гүйцэх (хугацаа дуусах), хэрэглэж гүйцэх (барагдах) - Эдгээр өрийг төлж гүйцэх арга олдохгүй байна. Ардын заргын бичиг;

---

3. Юмны хэмжээ хүрэлцэх, бүрдэх, бүрэн бүтэн болох: нас гүйцэх (том хүн болох) - Одоо чиний хүү эр болж, миний охин нас бие гүйцлээ. Ч.Лодойдамба. Тунгалаг Тамир., шүд гүйцэх (шүд бүрэн ургах, нас гүйцэх);

---

4. Юмыг хөөн зэрэгцэх, хүрэх: гүйцэж очих (юмыг хөөн зэрэгцэх) - Би дараагийн галаар орж, араас чинь та нарыг замын дунд л гүйцэж очих болов уу гээд хариу ч сонсох завдалүй дэнжийн чулууг дэргэтэл хатируулан одов. Т. Баасансүрэн. Хөтөч., нэхэн гүйцэх (хөөн гүйцэх), хөөн гүйцэх (юмыг хөөн зэрэгцэх) - Иймд даруй буухиа довтолгоогоор явж гүйцэх хэрэгтэй. Л.Түдэв. Улаан долгион., *үнэг гүйцэх (ихэд өлсөх);

---

5. Ядарч туйлдах - Хүн амьтан залхаж гүйцжээ. Ж.Дамдин. Үймээний жил., *гүйцэхээ мэдэж довтол, онохоо мэдэж харва (бүтэх бололцоогүй юмыг сохроор бүү хий гэсэн санаа).