1. Гүйх үйлийн нэр, гүйх явдал: морины гүйдэл (морины явдал) - Холоос гүйдэлтэй борлог минь сулдаа ганхам жороо доо. Б.Явуухулан. Хар ус нуурын шагшуурга., торгон гүйдэл (морины бие халж явдал жигдэрсэн нь);

---

2. Ан амьтны явах зорчих зам: бугын гүйдэл (бугын жим), чонын гүйдэл (чонын жим) - Тэд чонын гүйдлийг урьдаар мэдэж... С.Удвал. Их хувь заяа;

---

3. Ямар нэг юмны дамжин гүйх, хөдлөх, зогсох байдал: гүйдэл үүсгүүр (төрөл бүрийн энергийг цахилгаанд хувиргах төхөөрөмж), гүйдэл хэмжүүр (тогтмол юм уу хувьсах гүйдлийн хүчийг хэмждэг багаж), гүйдлийн хүч (нэгж хугцаанд дамжуулагчаар урсан өнгөрөх цэнэгийн хэмжээ), тогтмол гүйдэл (нэг чигт  урсах цахилгаан гүйдэл), цахилгаан гүйдэл (дамжуулагчаар цахилгаан цэнэгийн гүйх хөдөлгөөн), цусны гүйдэл (цусны урсгал), гүйдэл суудал [хоршоо] (гүйх явц) - Тэгээд ганцхан усны гүйдэл суудалтай, тэр усан манан чулууны амь биеийг ивээгчдэд даатгаж... Замлин Сэнчиний намтар оршив;

---

4. [хуучирсан] Чөтгөр шулам, муу юмны байх газар зам: - Чөтгөрийн гүйдэлтэй болж гэж шуугьж гарсан. Ж.Пүрэв. Гурван зангилаа., гүйдэл дайрах (гараг саа өвчин тусах).