1. Унасан морь мал зэргийг ташуур мэтийн юмаар гуяны тус газар жанчих, дэлдэх: морио гуядах (морио гуяны тус газар дэлдэх) - Би хонио цуглуулах гэж морио гуядаад хониныхоо өмнүүр давхиж явав. Ц.Дамдинсүрэн. Түүвэр зохиол;

---

2. Бусдыг ямар нэгэн юмаар савах, дэлдэх - Лу байцаагч Өлзийг бургасаар гуядаж... С.Дашдэндэв. Улаан наран;

---

3. Тэрэг чарга мэтэд урт юмыг ташуу хөндлөн тавьж ачих, гуялах: гуядаж ачих (гуялж ачих);

---

4. Барилдсан бөхийн нэг нь нөгөөгөө хүчтэйгээр савж хаях: гуядаж унагах (хүчтэй савж унагаах) - Гуядах гэдэг нь мэх хүч чадал их шаарддаг сайн мэх болно. Ж.Дамдин. Монгол бөх.