1. Сайн тохиолдол, зол завшаан: аз болох (завшаан тохиох) - Аз болж мэнд гарлаа гээд хурга баярлан байтал өнөө хоёр бүргэд ноцолдсоор ойртон ирж, хургыг шүүрээд авах л шахаж г‎энэ. Ц.Дамдинсүрэн. Түүвэр зохиол., аз дайрах (зол завшаантай учрал болох) - Таны аз гэдэг ч түмний эх унасан хүүхэд шиг яваа юм байна. Ч.Лодойдамба. Тунгалаг Тамир., аз дутах (хувь дутах), аз тохиолдох (хувь тохиох), азаа үзэх (сайн тохиол учрах эсэхийг үзэх), аз нь ирэв үү, эз нь татав уу (аз тохиолдов уу, эсвэл гай таарав уу), аз нь харих (аз дутах), аз буян [хоршоо] (буян хишиг) - Аз буян чинь буурчээ, амны хишиг чинь өлийжээ. Халх ардын тууль., аз заяа [хоршоо] (аз завшаан, зол учрал) - Аз заяаны чинь хүн амьдрал жаргалын чинь хань. Халх ардын тууль., аз жаргал [хоршоо] (зол жаргал, сайн сайхан), аз эз ~ эз аз [хоршоо] (сайн муу тохиол);

---

2. Хэрэг явдлын бүтэл, хийморь: аз турших (азтай эсэхээ сорин үзэх), аз хазайх (бүтэлгүйтэх, ажил бүтэхээ байх), аз харих (хийморь лундаа үгүй болох), аз хийморь [хоршоо] (зол заяа, хийморь лундаа, сайн сайхан хувь ерөөл) - Сан сэржим өргөж, аз хийморио сэргээе. Б.Ринчен. Үүрийн туяа., *аз нь хаясан (аз нь дутсан; хийморь нь доройтох), *азын тэнгэр царай буруулах (аз нь харих, ажил бүтэлгүйтэх) - Зол завшаан таарахгүй, ажил үйл бүтэхгүй, одоо азын тэнгэр тэднээс царайгаа буруулж‎ээ. Б.Ринчен. Үүрийн туяа., *аз нь шовойсон (аз заяах), *азын арван гурван тэнгэр таалах (зол завшаан таарах, азтай байх), *аз хүү ирвэл ёоз хүүгээр цохино (учрал бүрдвэл ямар ч хэрэг бүтнэ гэсэн санаа), *сохор аз (гэнэтийн завшаан, санамсаргүй тохиох аз).