Онц, тасархай, гоц: гойд их (онц их) - Ялангуяа залуу хүнд гойд их зохимжтой рашаан шүү. Ж. Пүрэв. Аянга., гойд сайн (гоц сайн) - Энэ уул бол өвс усаар маш элбэг, малын бэлчээр гойд сайн учраас хавь ойрын олон ардын их өвөлжөө газар болно. Ц. Дамдинсүрэн. Чандманийн түлхүүр., гойд содон (онцгой содон) - Өөр гойд содон зүйлгүй. Л. Чойжилсүрэн. Агаарын зоригт шонхор., гойд сонин (онцгой сонин) - Ажилдаа махруу, авхаалж сайтай, алив техникийн учир сүлжээг амархан ухаардаг энэ залуугийн гойд сонин чанар олон юман дээр тодордог байв. Л. Чойжилсүрэн. Агаарын зоригт шонхор., гойд хэрэггүй (онцын хэрэггүй) - Би танай өргөөнд гойд хэрэггүй шахам орж ирлээ. Ж.Пүрэв. Гурван зангилаа., гоц гойд [хоршоо] (гоц онцгой) - Мөнгөөхэй нь харин мөрөг, эрэг, хэлтэг, хадрангаас ялгарах гоц гойд юмгүй жирийн л жараахай. Ж. Дашдондог. Алтаахай., онц гойд [хоршоо] (бусдаас ялгарам содон байдал) - Гэвч угийн даруу тэр хүн өөрийнхөө тухайд онц гойд юм яриагүй юм. Д. Намсрай. Тооройн төгөл.