1. Цөм, бүгд, гүйцэд; дуустал - Алт мөнгө, эрдэнэ сувд, гэр хүрээ, тариа газар бүрнээр цөм хүний болох цаг буй. В.Инжаннаши. Хөх судар., бүрэн дуусгах (гүйцэд дуусгах), бүрэн итгэх (гүйцэд итгэх), бүрэн хураах (гүйцэд хураах) - Бараа таваар, эд хөрөнгөө бүрэн хураа гэжээ. Халх ардын тууль., бүрний багш (цөмийн багш, бүгдийн багш) - Монгол ба бүрний багш болсон Жавзандамбын гэгээний шавдан бататгах ариун үйлст шавь болсон бүхэн нэмэр хандив оруулах ёстой. Б.Ринчен. Үүрийн туяа., зохиолчийн бүрэн түүвэр (зохиолчийн бүхий л бүтээлийг хамарсан иж бүтээл), бүрэн эрх (онцгой эрх), бүрэн бүтэн [хоршоо] (гүйцэд, дутуу биш, эвдрээгүй) - Цөм үес үест нь бүртгэн оруулж, бүрэн бүтэн болгожээ. В.Инжаннаши. Хөх судар., бүрэн гүйцэд [хоршоо] (а. Тоо ёсоороо байгаа; б. Дуустал, эцэст нь хүртэл), бүрэн дүүрэн [хоршоо] (дутуу дулимаг юмгүй, төгс төгөлдөр), бүрэн төгс [хоршоо] (бүрэн гүйцэд), бүрэн төгөлдөр [хоршоо] (төгс төгөлдөр), иж бүрэн [хоршоо] (дутуу юмгүй цогц юм);

---

2. Төгс: бүрэн эрхт төлөөлөгч (онц эрхт төлөөлөгч) - Их хуралд жирийн нэгэн малчин хоёр удаа бүрэн эрхт төлөөлөгчөөр оролцоно гэдэг үнэхээр бахархал төрүүлэлгүй яах вэ? С.Лочин нар. Галтай залуу нас., бүрэн дунд боловсрол (гүйцэд дунд боловсрол), бүрэн дунд сургууль (дунд боловсролыг бүрэн олгох сургууль), бүрэн биш дунд сургууль (есөн жилийн сургалттай сургууль).