1. Гэрэл гэгээ муухан, тод бус, бүүдгэр, балархай: бүдэг гэгээ (бүүдгэр), бүдэг гэрэл (тод бус гэрэл) - Улиастайн гудамжинд харанхуй болж айлын тооноор зул, дэнгийн бүдэг гэрэл сүүмэлзэнэ. С.Удвал. Их хувь заяа., бүдэг нүд (гал нь буурсан нүд), бүдэг тэнгэр (бүрхэг тэнгэр), бүдэг бүрхэг [хоршоо] (бүүдгэр бүрхэг, гэрэл гэгээ муутай) - Тэр өдөр баахан бүдэг бүрхэг байж. Н.В.Гоголь. Тарас Бульба;

---

2. [шилжсэн] Мунхаг, хөдөх: хөдөх бүдэг [хоршоо] (болхи бүдүүлэг) - Хөх доголон хөдөөх бүдэг нэгэн өвгөн өгүүлрүүн... Олон зүйлийн сургаал шүлэг домог ба ерөөл зэргийн ном дэвтэр;

---

3. Санаанд тодгүй, бүүр түүр: бүдэг сонстох (бүүр түүр сонстох, бүүр түүр дуулдах), бүдэг чимээ (бүүр түүр чимээ) - Мөнгөн хазаарын бүдэг чимээ онгон зүрхийг цочоон баясгана. Б.Явуухулан. Мөнгөн хазаарын чимээ., бүдэг бадаг [хоршоо] (тодорхой биш, бүүр түүр - Багын явдал бүдэг бадаг болжээ. Норжин. Монгол хэлний толь; б. Гэрэл гэгээ муутай), бүдэг бүгт [хоршоо] (тод бус бүрхэг) - Номчирхон хэлэх нь бүдэг бүгтхэн сонстов. А.Дашням. Өлзийнарангийн өчил.