1. Гэдрэг эргэх, харих: буцах хөдөлгөөн (нарыг тойрон эргэх чиглэлийн эсрэг (зүүнээс баруун тийш) зүгт гарагууд шилжин харагдах хөдөлгөөн), буцаж явах (эргэж явах), нутаг буцах (төрсөн нутаг руугаа эргэх) - Ховдын монгол сайд чөлөөгөөр нутаг буцаж явахад тааралджээ. Ц.Дамбадорж. Толбо нуур., буцах бэр (төрхөмдөө харих бэр), буцах бэрд үнээ тугал нийлэх хамаагүй [зүйр цэцэн үг] (юманд сэтгэлгүй, хайхрамжгүй хандах гэсэн санаа);

---

2. [шилжсэн] Няцах, ухрах; амласнаа болих: хэлсэн үгээ буцах (хэлсэн үгээ няцах) - Хэлбэл няцаж болохгүй, хийвэл буцаж болохгүй. Монгол ардын зүйр үг., буцах няцах [хоршоо] (а. Эргэж буцах, болих, шантрах; б. Хэлсэн, ярьсандаа хүрэхгүй байх) - Нэгэнт хэлсэн үгээ буцах няцах зүйлгүй гэж мэдүүлсэнд... Ардын заргын бичиг., буйлаа хэмлэх буур осолтой, буцаж халирах хүн осолтой [зүйр цэцэн үг] (буцамтгай няцамтгай зан өөр, бусдад хөнөөлтэй гэсэн сургамж), *буух эзэнтэй, буцах мөртэй (баримт нотолгоотой, хариуцсан хүнтэй).