1. [ургамал] Улиасны язгуурын, голын хөвөөгөөр ургадаг, гулзгар уяхан мөчиртэй, нарийн навчтай, бутлан ургах нэгэн зүйл бут мод - Бургас мод буудах уу даа. Д.Нацагдорж. Бүрэн зохиол., бургас гөлөглөх (бургасны соёо дэлгэрэх), бургасны гөлөг (бургасны навч дэлгэрэн ургахын өмнөхөн гарах бяцхан ором), монгол бургас (бургас мод), арчил бургас [ургамал] (арц бургасны нэг зүйл), арц бургас [ургамал] (улаан голтой, дүгрэг зузаан навчтай нэг зүйл модлог ургамал, хандгай иддэг, нумны дүгрэг ба урам хийнэ), саваан бургас [ургамал] (голын хөвөө, элсэн дов, ой шугуйн хөвөө захын чийгтэй газар ургадаг бут мод), хүрэн бургас [ургамал] (бор бургас), улаан бургас [ургамал] (голын хөвөө, хээр тал, чийгтэй элсэрхэг газар ургадаг бут мод), уулын бургас [ургамал] (хөвөө нь хөрөөний шүд мэт, ой дотор гол мөрний хөвөөгөөр ургадаг бут мод);

---

2. Бургасан ой шугуй: шигүү бургас (өтгөн бургас) - Оройн дөрвөн цагийн орчим хасаг эргүүл булгийн эхний өтгөн шигүү бургасан дотор цугларчээ. Б.Нямаа. Арандалынхан;

---

3. Бургасаар хийсэн: бургасан адар (бургасаар сүлжиж хийсэн байшин хорооны дээвэр), бургасан тооно (бургасаар уньтай нь үргэлж хийсэн хатгамал тооно), бургасан хана (бургасаар хийсэн гэрийн хана), бургасан хашаа (бургас сүлжиж хийсэн хашаа), бургасан гэр (1. Унь, хана, тооно зэргийг бургас модоор үйлдсэн гэр; 2. Бургас модоор сүлжин хийсэн хээрийн оромж).