1. Дунд чөмөгний ясны бүдүүн үзүүр - Тэгэхэд Гомбо булуу яс үмхэх гэж байгаа юм шиг амаа их ангайв. Ц.Дамдинсүрэн. Түүвэр зохиол., чөмөгний булуу (чөмөгний ясны бүдүүн хэсэг), *булуу халах (а. Хийж байгаа зүйлдээ улайрах, шамдах, ид ажиллаж эхлэх - Гарди одоо аян замынхаа саатлыг найз нөхөртөө хуучилж яриандаа басхүү булуу халаад, замын урт хэрхэн ард хоцорч байгааг мэдсэнгүй. Л.Чойжилсүрэн. Намрын шөнө; б. Согтож ирэх, нэлээд согтох - Найр жигдрээд нийтээрээ булуу халаад ирэх үеэр гараад Саж танд эхлэх дохио өгнө. Д.Намдаг. Ээдрээ);

---

2. Бие болон юмын дээр гарсан болцгор, бумбагар юм: модны булуу (модны ур), булуу болох (булцруу үүсэх);

---

3. [шилжсэн] Балаг, тээр, түвэг: *толгойдоо булуу хураах (өөртөө гай тарих, гай дуудах) - Толгойдоо булуу хурааснаас хар гэрийнхээ мухрыг сахицгаая. Л.Түдэв. Уулын үер;

---

4. Хүний бие хавдах, хөөнгөтөх - Санжсүрэнгийн нүүр хөх булуу болтол хавджээ. Ц.Уламбаяр. Зовлон жаргал.