1. Юмны өнцөг, сэжүүр: жинтүүний булан (жинтүүний өнцөг, шигшиг) - Жийжүү хотын минь жинтэйхэн торгоор жинтүүнийхээ буланг шаглаад оёсон юмаа хө. Монгол ардын дуунууд., нүдний булан (нүдний хажуу шанаа талын хэсэг) - Сойвон тайжийг нүднийхээ булангаар ажиглан харлаа. Ч.Лодойдамба. Тунгалаг Тамир., булан элэгдэх (өнцөг элэгдэх) - Булан нь элэгдсэн ганц хайрцагнаас өөр онцын хогшилгүй. Ц.Уламбаяр. Зовлон жаргал., буланд тавих (а. Өнцөгт тавих; б. Байшин барилгын мухарт тавих), хэвлэлийн булан (сонины тусгай нүүр), булан догол [хоршоо] (булан тохой, өнцөг), булан өнцөг ~ өнцөг булан [хоршоо] (а. Юмны зах сэжүүр; б. Буйд бөглүү газар буюу алс газар) - Агаарын сайхан хий оруулсан нь онгоцны булан өнцөг бүр дүүрсэн билээ. Ж.Верн. Арван таван наст капитан., булан цулан [хоршоо] (өнцөг булан) - Гамшиг тохиолдсон өдрийн өглөө нь “Пилигрим”-ийн булан цулан болгоныг шинжилж явав. Ж.Верн. Арван таван наст капитан., өнцөг булан бүрд (газар бүрд, хаа сайгүй);

---

2. Үзвэр, сурталчилгааны зориулалтын газар: улаан булан [хуучирсан] (соёл гэгээрлийн ажил явуулах газар), хууль сурталчлах булан (хууль сурталчлахаар тусгай тохижуулсан самбар, шүүгээ сэлт);

---

3. Тал хэлтэрхий, хэсэг: булан талх (талхны өнцөг), булан тос (гүзээтэй тосны хэлтэрхий), булан цай (хэлтэлсэн тал цай) - Ганц нэг илүү дутуу юмаа, булан цайнаас ч билээ өгөх юмсан даа. Л.Түдэв. Нүүдэл;

---

4. Буйд, бөглүү газар: буйд булан (буйд газар).