1. Бусдын юмыг хүч түрэн эзэрхэн авах: булааж авах (эзэрхэн авах) - Хошуу сүргийг тэр чигээр нь булааж авсан ч Чин гүрний ихсийн дур. Д.Маам. Газар шороо., булаан эзлэх (хүчээр эзлэн авах);

---

2. Шүүрэх, гараас угз татан авах: гараас нь булаах (гарт нь байгаа юмыг хүчээр авах), дээрэмдэн булаах (хүч түрэн дээрэмдэн авах);

---

3. Дур сонирхол татах: дур булаах (сэтгэл зүрхийг татах, сонирхол ихэд татах) - Эргэлдсэн хурц нүдээр хүн бүхний дурыг булаасан энэтхэгийн залуу бүжигч охин чамтай танилцахыг хүснэ. Д.Нацагдорж. Зохиолууд., нүд булаах (өнгө үзэсгэлэн сайхан учир өөрийн эрхгүй дур татагдан харах санаа төрөх, дур сэтгэл булаах) - Хөгжимчин залуус миний анхаарлыг юу юунаас илүү татаж нүд булаав. Л.Дашням. Бурхантын цэцэг., сэтгэл булаах (эрхгүй сэтгэл эзэмдэх) - Аяа уудам сайхан хөдөөний газар гэгч нүүдэлчин монгол хүний сэтгэлийг булаана. Д.Нацагдорж. Зохиолууд.