1. Бөөрөнхийвтөр, бөмбөгөр хэлбэртэй юм: бөндгөр юм (бөөрөнхий хэлбэртэй юм) - Хоёр гурван азарган нэхий дээлээр нэг бөндгөр юм хучсан харагдана. С.Бадраа. Амьдрал., бөндгөр цөндгөр [хоршоо] (бөмбөгөр бөөрөнхийвтөр юм);
2. Бондгор:
бөндгөр бие (а. Бондгор, махлаг, мяраалаг; б. Нялх, бага хүүхдийг өхөөрдсөн нь)
- Тэгээд бөндгөр хөөрхөн биеийг нь алган дээрээ бүүвэйлсээр байлаа. С.Дашдэндэв. Улаан наран;
3. [шилжсэн] Толгой
- Хэцүү дээ нэг муугаар эргэвэл бөндгөрөөсөө салж ч болно. С.Удвал. Их хувь заяа., *бөндгөрөөсөө хагацах (толгойгоо авахуулах, алагдах)
- Галзуу орос минь чи ингэж дэмий юм чалчиж байж бөндгөрөөсөө хагацна. Ч.Лодойдамба. Тунгалаг Тамир., бөндгөр толгой бөхийж, бор өвдөг бохирох [зүйр цэцэн үг] (ихэд хүндэтгэн бишрэх).