Хэвлэх


2024-04-21 10:32:09http://mongoltoli.mn/

АГАР

1. Өндгөн хавтгай сарьслаг навчтай, гилгэр цагаан цэцэг дэлгэрч, шүхэрт багцаг бүрэлддэг, бөөрөнхийвтөр том том шогшгойтой, хайрслаг шилмүүстэй, анхилам сайхан үнэртэй, өвчин намдаах болон хоол боловсруулахад сайн нөлөөтэй, мөнх ногоон бутлаг мод - Арцын үнэр сайхан боловч агар занданд хүрнэ үү дээ. ААЗ., нарийн агар [ургамал] (заарт модны язгуур, дулаан уур амьсгалтай газрын ууланд ургадаг мод), бор нарийн агар [ургамал] (заарт модны язгуур, дулаан орны сүүдэрлэг чийгтэй ой шугуйд ургадаг мөнх ногоон мод), улаан агар [ургамал] (заарт модны язгуур, дулаан орны чийгтэй ой шугуйд ургадаг, өнгө улаавтар, холтосных нь үнэр гоньд шиг; агар годил, цоохор агар), хар агар [ургамал] (бэлгэт цэцгийн язгуур, дулаан орны чийгтэй газар ургадаг мөнх ногоон мод, хамгийн сайн нь бух гөрөөсний эвэр мэт хатуу, шатахдаа модны адил, үнс гардаггүй, сайхан үнэртэй), цагаан агар [ургамал] (хүнд жинтэй, модноосоо шүүрч гарсан бор давирхайтай, хатаахад сайхан үнэр гарна);


2. Агруу. Агар гучин тав (хар агар, цагаан агар, улаан агар зэрэг гучин таван хөлөөр бүрэлдсэн монгол эм. Хий, халуун, нян харшилдсныг анагаах, ханиахыг зогсоох, амьсгаадахыг дарах чадалтай. Голдуу завсрын хий халуун, эс боловсорсон халуун, нойр хулжих, дагшиж ханиах, агсага, мэнгэр, зүрхний  хий халуун, хий хатгалга, охор хатгалга, хэрэх өвчин зэргийг анагаана).

--oOo--