1. Сэтгэх, нягтлах, эргэцүүлэн санах: арга бодох (ажлыг хэрхэн гүйцэтгэх болон хэтдээ яах тухайгаа эргэцүүлэх), дотроо бодох (хүнд хэлэлгүй дотроо эргэцүүлэх), юм бодох (а. Элдвийг эргэцүүлэх; б. [шилжсэн] Сэтгэлд сэв суух), бодох сэтгэх [хоршоо] (оюун ухаанаа ажиллуулах), санах бодох [хоршоо] (санаа бодол төрөх), *бодоод бодоод, бодын шийр дөрөв (яаж ч бодсон өөр арга олдохгүй);

---

2. Тооцох, тооны бодлогын хариуг олж гаргах: данс бодох (а. Дансанд бүхий баримтыг тулгах, нийлүүлэх; б. Хуучны өр авлага цэгцлэх; в. [шилжсэн] Урьдын хорслын хариуг авах, тооцоо бодох) - Бид хамтралын данс бодох ажлаар явж байна. Ц.Уламбаяр. Зовлон жаргал., тооцоо бодох (а. Тоо ёсоор бүртгэх, бодох; б. Өш санасны хариу авах), сампингаар бодох (сампин хэрэглэж тоо бодох), тоо бодох (тоог үржүүлэн хуваах, нэмж хасах зэрэг үйлдлийн хариуг олох), бодох гэр [хуучирсан] (элдэв үйлдэх яамны худалдаа хөлс зэрэг зүйлийн мөнгө зоосыг нуруувчлан бодох, хэргийг хадгалах газар), бодох мөхлөг (сампин), бодох сургууль [хуучирсан] (а. Зүйл зүйлийн бодох аргыг сургах гэр; б. Бодлого бодох дасгал);

---

3. Санан дурсах, эрхэмлэх: нэрээ бодох (өөрийн нэрийг эрхэмлэх), сургуульд байснаа бодох (сургуульд сурч байсан үеэ дурсан санах), эхийн ачийг бодох (эхийн ачийг хариулахыг эрмэлзэх, хүсэх), амиа бодох (хувиа хичээх) - Энэ зодоон хүн хүний хар амиа бодох бодол эцэслэсэн цагт төгсөх болно. Л.Түдэв. Нүүдэл;

---

4. Таамаглах, нарийвчлах: алсаа бодох (хэтийг таамаглах; ирээдүйд зэхэх), энэ тэрийг бодох (элдвийг таамаглах);

---

5. [шилжсэн] Муу санах: өс бодох (өс хонзон өвөрлөх);

---

6. Харьцуулж жиших - Намайг бодвол чи бичихдээ сайн шүү дээ. И.Дамбажав. Монгол үгийн дээж.