1. Зүг чиг, юмны хажуу тал: баруун этгээд (баруун тал) - Хиагтын баруун этгээд Алтан хэмээх газар буудаллажээ. Д.Сүхбаатарын тухай дуртгалууд., зүүн этгээд (зүүн тал) - Бусад нь зүүн этгээд дор сууцгаав. Ц.Дамбадорж. Толбо нуур., өмнө этгээд (урд тал) - Зуны богинохон шөнө дуусаж өмнө этгээдээс гэгээн огторгуй хаяарав. Л.Түдэв. Улаан долгион., умард этгээд (хойд тал) - Зэлтэрийн голын умард этгээд Хулдаа гэдэг газар өвөлжиж байсан Сумъяа гэгч хүн явуулжээ. Ж.Дамдин. Үймээний жил;

---

2. Нийлэмжгүй, гажууд зөрүүд: этгээд зантай (хүнтэй нийцгүй, гөжүүд зан авиртай) - Этгээд зан явдлыг эрэлхийлж хоосон санаа хуурмагхан бодолд хөтлөгдсөнгүй. С.Эрдэнэ. Хонгорзул., этгээд зөрүүд [хоршоо] (бусадтай нийцгүй, өөрийнхөөрөө зүтгэх зан);

---

3. Гаж буруу, тэрс: этгээд хэл (нийт олны хэлнээс ангид цөөн бүлэг хүмүүсийн хоорондоо ярилцдаг үг хэл), этгээд гаж [хоршоо] (зан авир, байр байдал бусдаас тэс өөр);

---

4. Хүн: зальхай этгээд (зусарч мэхлээч хүн) - Ховдог шунахай ба зусар зальхай этгээдийг гаргав. Д.Нацагдорж. Бүрэн түүвэр., танхай этгээд (ёс журам мэдэхгүй, дэггүй балмад хүн) - Хэдэн танхай этгээдийг аваад ирсэн, таныг иртэл хүлээлгэсэн юм. С.Удвал. Их хувь заяа.