Утас, дээс зэргийн мушгирсан харих чанар, мушгиа: буруу эрч (нар буруу тийш нь эрчилсэн мушгиа), зөв эрч (нар зөв тийш нь эрчилсэн мушгиа), эрч ончрох (утас, дээсний мушгиа нь чангадаж, зангиран булцуутах), эрч нь харих (юмны эрч сулрах), эрчийг нь хариулах (а. Утас дээс зэргийн эрчийг буцаах; б. [шилжсэн] Хүний урам зоригийг бууруулах), эрчийг нь чангалах (эрчийг улам нэмэх), эрч оруулах (а. Утас, дээс зэргийг эрчлэх; б. [шилжсэн] Урам зориг, хүч чадал нэмэх), эрч нь харьсан утас шиг, эрэг нь суларсан дугуй шиг [зүйр цэцэн үг] (а. Ноомой, сул дорой; б. Идэвх санаачилгагүй).