1. Ховор нандин, чухаг, охь дээд: эрхэм дээд [хоршоо] (охь дээд), эрхэм нандин [хоршоо] (маш үнэтэй, туйлын нандин), эрхэм чухаг [хоршоо] (ховор нандин, чухал хэрэгцээтэй);

---

2. Хүндэт - Эрхэм үүргээ би биелүүлнэ. Д.Сэнгээ. Үнэн; эрхэм ах (хүндэт ах) - Эрхэм ах болон мэргэн дүү та хоёр дэмий хоорондоо бүү тэмцэлд. С.Буяннэмэх. Түүвэр зохиол., эрхэм гишүүн (бүх ард түмний сонгуульд ялж, УИХ-д сонгогдсон парламентын гишүүн), эрхэм хүндэт (хамгийн дотно) - Эрхэм хүндэт нөхөд Цэвэлмаа, Гүнсэн нарыг хүрэлцэн ирэхийг урья. Ч.Ойдов. Их жанжин Сүхбаатар танаа., эрхэм сайн зүгт илжиг шиг хашин, эсэн бусын юманд эрвээхий шиг хөнгөн [зүйр цэцэн үг] (хөнгөн хийсвэр, бодлогогүй гэсэн санаа), эрхэм чигийрмаа цэцэг [ургамал] (навч нь нэгээс хоёр тохой хэрийн урт, шар ногоон цэцэгтэй, үнэр анхилуун, мөнх ногоон ургамал).