1. Эцгийн дээд үеийн эмэгтэй хүн; эмгэн эх: эмгэн ээж (эцгийн талын настай эмэгтэй хүн) - Содном гуайн эмгэн ээж байна шүү дээ гэв. Ц.Уламбаяр. Зам ямар байна;

---

2. Настай эмэгтэй хүн - Долгор эмгэн өглөө босоод аанай л цай хоол зэхэв. Ч.Чимид. Хавар намар., өвгөн эмгэн [хоршоо] (ахмад насны эрэгтэй, эмэгтэй хүн), эмгэн сонгино [ургамал] (олон давхар зузаавтар улаан хальстай, төрх байдал, хятад сонгино лугаа адил, зөвхөн Дорнод Монголд ургана), эмгэн хумс [амьтан] (зөөлөн биетний хүрээ, хэвэл хөлтний анги, тэнгис ба цэнгэг усанд голдуу амьдардаг, хуурай газарт ч хааяа тохиолддог, бүрээ шиг дүрс хэлбэртэй амьтан) - Эмгэн хумс шиг мөлхөн буцаж ирэв дээ. Н.С.Тургенев. Ангуучны тэмдэглэл., эмгэн шилбэ [ургамал] (тарнитан овгийн, говьд хонхор сайр, суваг бүхий газарт ургадаг өргөвтөр нарийн зузаан навч, цайвар бор хальстай сөөг), эмгэн шихэр [ургамал] (хүрэн холтостой, чагталж ургасан навчтай, цагаан цэцэгтэй багавтар тураг мод), эмгэн цагаан [ургамал] (өргөн зууван навчтай, хос бэлгэт шаравтар ногоон цэцэгтэй, хонгорцогт ягаан жимстэй багавтар тураг мод; модыг нь сийлбэрт хэрэглэнэ, жимсээр нь улаан будаг болон хорхой шавж устгах эм хийнэ, холтос, үндэс, цэцэг, жимс нь цөм эмэнд орно).