Зорилго, ажил төрлөөрөө нийлж нэгдсэн холбоо, байгууллага - Хуралд суусан үйлдвэрчний эвлэлийн төлөөлөгч алгуур босов. Т.Рэнцэн. Шинэ даваа., залуучуудын эвлэл [хуучирсан] (залуучуудын нэгдсэн байгууллага), үйлдвэрчний эвлэл (хөдөлмөрчин эрх ашгийг хамгаалах, тэдэнд үйлчлэх олон нийтийн байгууллага), эвлэлийн гишүүн (а. Ямар нэг эвлэлд сайн дураараа эвлэлдэн нэгдэж гишүүн болсон хүн; б. [түүх] Монголын хувьсгалт залуучуудын эвлэлийн гишүүн хүн), эвлэл нэгдэл [хоршоо] (хөдөлмөрөө хоршсон хоршоолол болон санаа зорилго нийлсэн хүмүүсийн байгуулсан олон нийтийн байгууллага), эвлэл холбоо [хоршоо] (ямар нэгэн үйл хэргийн төлөө сайн дураараа эвлэлдэн нийлсэн хүмүүсийн нэгдэл), эвлэл эвсэл [хоршоо] (ямар нэгэн ажил төрлийг гүйцэтгэхээр сайн дураараа нэгдсэн бүлэг хүмүүс).