1. Хашаа, гудамжны хог новшийг цэвэрлэхээр дэрс, хулс зэргийг боож, урт иш гаргаж хийсэн хэрэгсэл; морин шүүр: хашааны шүүр (хашааны хогийг цэвэрлэх хэрэгсэл, морин шүүр);

---

2. Байшин, гэрийн шал зэргийг цэвэрлэх, модон иш бүхий өвс, дэрс, сүрэл зэргийг боож хийсэн хэрэгсэл; туужуу: гэрийн шүүр (гэрийн шал зэргийг цэвэрлэх хэрэгсэл), бургасан шүүр (бургасаар хийсэн шүүр), дэрсэн шүүр (дэрсээр хийсэн шүүр), өвсөн шүүр (өвсөөр хийсэн шүүр), хогийн шүүр (хог новш арилгаж цэвэрлэх хэрэгслийн ерөнхий нэр), хялгасан шүүр (хялгасаар хийсэн шүүр);

---

3. Тогоо шанага, сав суулга угааж цэвэрлэхээр сүрэл, дэрс, боролзгоно зэргээр хийсэн хэрэгсэл: тогооны шүүр (сүрэл, дэрс зэргээр хийсэн тогоо угаах хэрэгсэл);

---

4. Үс гэзэг самнахад зориулж, хулсаар хийсэн, хоёр талдаа самнаас нягт шигүү шүд бүхий хэрэглэл: гэзэгний шүүр (гэзэг самнах, шүүрдэх хэрэгсэл), модон шүүр (модоор хийсэн нэг төрлийн сам), үсний шүүр (үс гэзэг шүүрдэх хэрэглэл), сам шүүр [хоршоо] (үс гэзэг самнах, шүүрдэх хэрэглэл) - Сагсгар самбай гэзгэндээ сам шүүрийг тааруулаад, санаа сэтгэл хоёрыгоо сайхан чамдаа даатгая даа Гоожнанаа хө. Монгол ардын дуу., шүүр ногоо [ургамал] (жижигхэн шар ногоон цэцэгтэй, иш нь олон салаалж шүүр шиг болдог нэг наст өвс, жимс нь эмд орно, иш болон мөчрөөр нь шүүр хийж, нялх мөчрийг нь идэж болно), шүүр шиш [ургамал] (шишийн нэг зүйл; иш, навч нь ерийн шиштэй адил, түрүү нь урт болоод сахлаг тул шүүр хийж болно).