1. Шулуун, цэх: шууд гарах (шулуун гарах), шууд хайчлах (шулуун хайчлах);

---

2. Сааталгүй - Цэргийн сахилга зөрчсөн хүнийг жанжнаас хатуу үзэж байдгийг цөм мэдэх учир үүдэнд нь очоод шууд явж орохоосоо сүрддэг байжээ. Д.Гонгор нар. Д.Сүхбаатарын тухай дурдатгалууд., шууд ирэх (замдаа сааталгүй ирэх), шууд өгөх (бодож тээнэгэлзэлгүй өгөх), шууд очих (замдаа сааталгүй хүрч очих) - Одоо хоёул тийшээ шууд очсон нь дээр гэв. Ж.Дамдин. Миний монгол., шууд харилцаа (хэн нэгнээр дамжуулалгүй харилцах үйл ажиллагаа) - Хоёр орны тахир дутуу хүмүүсийн болон өндөр настны асрамжийн газар, хиймэл эрхтний гэмтлийг засах үйлдвэрүүдийн хооронд шууд харилцаа тогтоож ажиллахаар болов. “Ардын эрх” сонин., шууд хариулах (эргэлзэн торолгүй хариулах);

---

3. Эрс, шударга: шууд зан (эрс зан), шууд хориглох (эрс хориглох), шууд хүн (шударга хүн), шууд хэлэх (тойрч зугталгүй шулуухан хэлэх), шууд эсэргүүцэх (эрс шулуун эсэргүүцэх).