Төрөлхийн ой билиг, аливаа юмыг хийж бүтээх, сурч мэдэх онцгой чадвар: авьяас тодрох (төрөлхийн ой билиг, онцгой чадвар нь илрэх), авьяасыг хөгжүүлэх (тухайн зүйлийг онцгой сайн хийж чаддаг өвөрмөц чадварыг нь хөгжүүлэх), байгалиас заяасан авьяас (төрөлхийн онцгой чадвар), хөгжмийн авьяас (хөгжмийн сонсгол сайтай, хөгжим тоглох чадвар), хэлний авьяас (гадаад хэл сурах чадвар), авьяас билиг ~ билиг авьяас [хоршоо] (аливаа зүйлийг сурч мэдэх, хийж бүтээх өвөрмөц, онцгой чадвар,оюуны чадамж) - Арван хуруундаа уран эрдэмтэй авьяас билгээр төгөлдөр цогцолсон юм. Алтай хайлах., авьяас дадал [хоршоо] (тухайн зүйлийг хийх онцгой ур чадвар, туршлага), авьяас чадвар [хоршоо] (төрөлхийн онцгой чадвар) - Сүхбаатарын авьяас чадвар бас л тодорч байсан билээ. Д.Сүхбаатарын тухай дурдтгалууд., дур авьяас [хоршоо] (аливаа зүйлийг хийх хүсэл тэмүүлэл, ур чадвар), сонирхол авьяас [хоршоо] (аливаад дурлан судлах сэтгэл, түүнийгээ гүйцэтгэх чадвар).