1. Юмны салангид нэгж, тоо: ширхэг ёотон (нэг ёотон), ширхэг ном (нэг ном), арван ширхэг дэвтэр (арван тоотой дэвтэр), хорин ширхэг үзэг (хорин тоотой үзэг), ширхгээр худалдах (юмыг салгаж нэг нэгээр худалдах) - Бүдүүн арван ширхэг урт хар модыг эгнүүлэн тавьж асаасан нь, бүгд нэгэн жигд асаж байв. Ж.Дамдин. Миний монгол., тоо ширхэг [хоршоо] (юмны тоон дүн, салангид нэгж), *ширхэг ч байхгүй (юу ч байхгүй);

---

2. Юмны цуудаслан салж болох хэсэг: модны ширхэг (модыг цуулж болмоор хэсэг) - Дөшийн суурийг хусны ишийн үндэс гардаг бүдүүн угаар хийхэд, ширхэг нь олон эргүүлэгтэй тул маш бөх, тохиромжтой байдаг. Ж.Самбуу. Мал маллагааны арга туршлага., махны ширхэг (махны салж болмоор үе, хэсэг), чулууны ширхэг (чулууны салж болох хэсэг).