1. Шингэн зүйлийн буцлах, халах зэргээс болж уур болон дэгдсээр үгүй болох: булаг ширгэх (булгийн ус үгүй болох), горхи ширгэх (горхины ус хатах), ус ширгэх (усгүй болох, буцалсаар уурших) - Цээлийн ус ширгэв. Цэгээн чулуу хагарав. Монголын нууц товчоо., цай ширгэх (цай буцалсаар үгүй болох), шөл ширгэх (шөл буцалсаар үгүй болох), ширгэсэн горхи (ус нь багасаж, үгүй болсон горхи), ширгэсэн шанд (ус нь татарсан болон үгүй болсон шанд);

---

2. Малын сүү шим татрах, багасах, үгүй болох: ингэ ширгэх (ингэний сүү татрах), үнээ ширгэх (үнээний сүү багасах, татрах), хонь ширгэх (хонины сүү багасах) - Эрлийз хонь эрт ширгэдэг учраас, хургыг эрт тусгаарлаж түүнийг бэлчээрт дасгах нь нэн чухал гэдгийг анхаарах хэрэгтэй. Ж.Самбуу. Мал маллагааны арга туршлага;

---

3. Амьтны нүд хонхойж, эцэж турах, хатах: нүд нь ширгэх (хүн, амьтны ихэд турж эцсэнээс нүд нь хонхойж эцэж, турах) - Түлхүүрийг олох гэж нүд нь ширгэж, хамаг бие нь хэрзийтлээ туржээ. Дожоодорж. Зүүний сүвэгч., *нүдээ ширгэтэл харах (маш их харуулдан хүлээх), *ухархай нь ширгэх (а. Нүд нь цохрох; б. Маш их унтах; в. Ихэд эцэж турах);

---

4. [шилжсэн] Унтах.