1. [ургамал] Голгэсэртэн овгийн нэг төрлийн ургамлын ерөнхий нэр, бор шарилж, морин шарилж, өмхий шарилж, хонин шарилж, цагаан шарилж, ямаан шарилж гэхчлэн төрөл зүйл олон - Шорон гяндангийн орон дээр, шарилж өвс ургавал, шаналан зовсон минь санаа сая ханана. Д.Нацагдорж. Зохиолын түүвэр., хамба шарилж [ургамал] (ойт хээр болон тайгын бүсэд, сийрэг ой модны захаар ургадаг, нийлмэл цэцгийн язгуурт багтах дугуй том цэцэгтэй, олон наст өвс, эмнэлэгт хэрэглэнэ, цагаалзай; тунхуу), шарилж сойх [ургамал] (навчны ар тал цагаавтархан, иш шулуун, шарилжийн нэгэн зүйл, эмнэлэгт хэрэглэнэ; монгол шарилж) - Уранбадам, нуурын салхин доод талд зогсоод хөлөө угаахад ямаан шарилж шилбийг нь сэрвэгнүүлэн гижгийг нь хүргэнэ. Б.Догмид. Цэнхэрлэн харагдана:

---

2. Гол төлөв бууцархаг газраар ургадаг хогийн ургамал: хашаан доторх шарилж (хашаан доторх хогийн ургамал), шарилж шатаах (хогийн ургамал шатаан устгах) - Орчин тойрон хааш ч харсан, уудам их талын дунд хэдэн том уулын өвөр дэх гурван өвөлжөө чулуун хороо нь нурж битүү ургасан, зэрлэг лууль шарилж хатсан харагдана. Ч.Ойдов. Их жанжин Сүхбаатар танаа., лууль шарилж [хоршоо] (хогийн ургамал), өвс шарилж [хоршоо] (өвс ногоо, хогийн ургамал) - Өвс шарилж ургасан, чулуун гишгүүр сүмийн чулуун довжоо өөд авирч гарав. С.Дашдэндэв. Улаан наран.