Цайвар улаавтар шар хольцсон өнгө: алтан шаргал (алт мэт шаргал), шаргал бүс (улаавтар шар өнгөтэй бүс), шаргал морь (улаавтар шар зүстэй морь) - Говийн минь элс цагаан шар, хонгор шар, бор шаргал гээд янз бүрийн өнгөтэй, найрлагатай байдаг. Б.Бааст. Алтайн хөх дөнөн., шаргал туяа (нарны улаавтар шар туяа) - Сутай хайрхан Цамбагарав уулын оройд үүл саатаж, мандаж байгаа нарны гэрлээр шаргал туяа тусаж нэн сүрлэг харагдаж байлаа. С.Удвал. Их хувь заяа., өтгөн шаргал цай (өтгөн болоод улаавтар шар өнгөтэй цай) - Аян замын уртад алжаасан шинжтэй зургаан эр өтгөн шаргал цай оочиж сууна. Б.Нямаа. Арандалынхан.