Ажил үйлд хөнгөн, шалмаг: шаламгай ажиллах (хөнгөн шалмаг ажиллах), шаламгай хөдөлгөөн (хурдан хөдөлгөөн), шаламгай хүүхэн (хөнгөн, шалмаг хөдөлгөөнтэй хүүхэн), гавшгай шаламгай [хоршоо] (түргэн шуурхай), хурдан шаламгай [хоршоо] (түргэн гавшгай, шуурхай) - Хурдан шаламгай нь нүд ирмэх зуур хувирч хөдөлж ядах ажээ. Ж.Пүрэв. Гурван зангилаа., түргэн шаламгай [хоршоо] (хурдан шуурхай, гавшгай) - Эдгээр хүч чадал шаардагдах мэхнүүд нь цөм маш түргэн шаламгай, нэг нэгнээсээ урьд өрсөн хийх мэхнүүд болно. Ж.Дамдин. Монгол бөх.