1. Шингэн зүйлийг дуустал гаргах, авах - Хүд хүд хийн дашмагтайг амаар нь шавхаж уугаад, нэг гараараа амаа арчиж хоосорсон савыг нь буцааж өгөв. С.Лочин. Сэтгэлийн өнгө., сүү шавхах (сүү дуусгах), ус шавхах (ус дуусгах) - Дахин дахин асааж, моторынхоо усыг шавхах боловч түүндээ итгэсэн шинжгүй байсхийн мотороо дарж үзнэ. Ч.Алагсай. Алтайн зам., цай шавхах (цай дуусгах);

---

2. Байсан юмаа барж дуусгах: шавхан идэх (бүгдийг идэж дуусгах), шавхан хэрэглэх (ойр зуурын хэрэглээний зүйлээ бүгдийг хэрэглэж дуусгах), байгаагаа барж шавхах (байсан зүйлээ бүгдийг дуусгах), бүх хүч чадлаа шавхах (бүх хүч чадлаа дайчлах) - Намжил минь хайлган цагт хэдэн морины хүч шавхаж орхилоо гэж зэмлэв. Ж.Пүрэв. Гурван зангилаа., эд хөрөнгөө цөлбөн шавхах (эд хөрөнгөө бүгдийг дуусгах, барах), шавхах арга [хуучирсан] (эртний математикч нар эзлэхүүн, талбайг тодорхойлохдоо хэрэглэдэг байсан арга).