1. Хур бороо ширүүн орох, их усны шуугих чимээ гарах: шаагьсан бороо (хүчтэй ширүүн бороо), бороо шаагин орох (салхи салхилан гэнэт үүлшиж, бороо ширүүн орох) - Үе үе усан бороо шаагьж, өглөө босоход хотын дээгүүр будан татсан байлаа. М.Чойжил. Андын нутаг алсдахгүй., голын ус шаагин урсах (голын ус шуугих чимээ гарган хүчтэй урсах), үүл шаагих (үүл бөөн бөөнөөрөө нүүх), шаагих шуугих [хоршоо] (а. Хур бороо хүчтэй ширүүн орох чимээ гарах; б. Олон амьтны бужигнах, дуу шуу гаргах) - Олон ноход шуугин шаагин хуцна. Н.Банзрагч. Зам;

---

2. Олон хүн, амьтны шуугих, цуугилдах: хонь хурга майлалдан шаагих (олон хонь хурга бужигнан дуу шуу гаргах, цуугилдах);

---

3. Ажил үйлд хөнгөн гавшгай, сэргэлэн золбоотой байх - Харин Хатанбаатарыг тэгж нүд үзүүрлэсэнгүй, баахан олон шаагьсан залуучуудтай хамт байх нь харин ч сонин байлаа. С.Удвал. Их хувь заяа., шаагьсан ажилчид (а. Гавшгай сайн ажилчид; б. Дуу шуу болсон шуугилдсан олон ажилчид).