Хүний гар хөлийн хамгийн жижиг хуруу: чигчий хуруу (хүний хөл гарын хамгийн жижиг хуруу), чигчий хуруун чинээ ~ чигчийн чинээ (а. Чигчий хуруу шиг хэмжээтэй; б. Маш бага), *чигчий хурууны чилээ гаргахгүй (маш өчүүхэн, хүч чадал муутай гэж басамжилсан санаа) - Тэр Цэрэн үү? Хөөрхий, миний чигчий хурууны чилээ гаргахааргүй амьтан байна билээ дээ. Д.Мягмар. Нийлэх замын уулзварт., *чигчийнд нь ч хүрэхгүй ~ чигчий хуруунд ч хүрэхгүй (эн зэрэгцэхгүй, хаана нь ч хүрэхгүй гэсэн санаа) - Миний бие тэрхүү сонгодог зохиолчийн чигчий хуруунд ч хүрэхгүй боловч тэр өдрийн тухай бичмээр санагдаад ер болсонгүй. С.Эрдэнэ. Тоогийнд өнгөрүүлсэн нэгэн өдөр.