1. Үлгэр домогт гардаг гадаад далайгаас залж авчирсан, гайхамшигт ид шидтэй, хүн бүхний хүслийг хангагч чухаг эрдэнэ, хаан төрийн долоон эрдэнийн нэг энэ эрдэнэ гурван зууван дугуй дүрсээс бүтнэ, бие, хэл, сэтгэл гурвын хүслийг хангах утгатай: чандмань эрдэнэ (хүслийг хангагч эрдэнэ) - Чандмань эрдэнийн шинжтэйхэн чи минь хө, чанадын ивээлээр хайрла даа. Ж.Бадраа. Уяхан хорвоон хань., ус чандмань эрдэнэ (ус бол амьдралыг тэтгэгч гэсэн санаа);

---

2. Монгол улсын төрийн сүлдний магнайн хэсэгт байдаг эрт, эдүгээ, ирээдүйн гурван цагийн бэлгэдэл;

---

3. Сүм хийд, суваргын орой дээр байдаг өлзий мөрийг бэлгэдсэн гурван дусал бүхий тэмдэг;

---

4. Чандмань хэлбэртэй тамга тэмдэг: чандмань тамга (а. Чандмань хэлбэрээр буюу гурван дусал гарган урласан малын тамга; б. Мөнхүү тамгаар тамгалсан ором, сорви), чандмань тамгатай хээр (чандмань тамга бүхий хээр зүсмийн морь) - Чандмань тамгатай хээрийгээ уналаа хө. ААЗ;

---

5. [шилжсэн] Үнэт баялаг: мал манай орны чандмань эрдэнэ мөн (мал бол манай орны үнэт баялаг гэсэн санаа).