1. Оюуны болоод биеийн хүчин чадал, нөөц: чадвар багатай (хүчин чадал муутай), ажиллах чадвар (ажил хөдөлмөр хийх хүч чадал), амьдрах чадвар (аж төрөх хүч тэнхээ, арга), авьяас чадвар [хоршоо] (аливаа юмыг хийж бүтээх, сурч мэдэх төрөлхийн ой билиг)，ур чадвар [хоршоо] (урлах эрдэм чадал), эрдэм чадвар [хоршоо] (мэдлэг чадвар) - Эрдэм чадвар сайтай хэсэг залууыг ажиллуулж байна. "Ардын эрх" сонин;

---

2. Юм хийх ур дүй: ажлын чадвар (тухайн ажлыг хийх эв дүй), чадвар дадал [хоршоо] (аливаа юмыг хийж бүтээх авьяас эрдэм, дадлага туршлага), дадлага чадвар [хоршоо] (чадвар дадал), мэдлэг чадвар [хоршоо] (хүний сурч эзэмшсэн түвшин, түүнийгээ хэрэглэх оюуны чадал, дадлага), мэргэжил чадвар [хоршоо] (урлаг спорт, шинжлэх ухаан, техникийн тодорхой салбарт ажил үүрэг гүйцэтгэхийн тулд тусгайлан эзэмшсэн мэдлэг, ур чадвар).