1. Чих тавих, сонсох - Чагнан чагнан сонссон намрын оройг санаж байна уу. Т.Санжжав. Дурлал хайрыг минь дамжуулаарай., чимээ чагнах (а. Чимээ гарахыг чих тавин сонсох; б. Ямар нэг хэл чимээ ирэх болов уу хэмээн хүлээх), яриа чагнах (яриаг чих тавин анхаарах, сонсох) - Хажуугийнхаа хүмүүсийн яриаг чагнан сууна. Ж.Пүрэв. Гурван зангилаа;

---

2. Хүний үг яриаг нууцаар сэм сонсох: гэрийн гаднаас чагнах (хүний яриаг гэрийн гаднаас сэм сонсох), утас чагнах (утсаар ярьж буй хүний яриаг нууцаар сонсох), үг чагнах (хүний яриаг үг сэм, нууцаар сонсох) - Хүмүүсийн дунд сэмхэн үг чагнан сууна. Ж.Дамдин. Үймээний жил;

---

3. Чагнуураар чагнаж шинжих;

---

4. [шилжсэн] Дуу чимээ, сураг ажиг дохио хүлээх;

---

5. [шилжсэн] Бороо, салхи зэргийн түр зуур зогсох, намдах.