Цээрлэж хоригловол зохих зүйл: цээр алдах (цээрлэвэл зохих зүйлийг үйлдэж гэнэдэх), цээр алдрах (эрээ цээргүй болох), цээр тавих (а. Хөл хорьж тэмдэг тавих; б. Хорио цээрээ зогсоож, чөлөөтэй болгох), цээр тогтоох (хориг цээр бий болгох) - Хөл хорьж, цээр тогтоосон танхимын хүүхдэд хүртэл халдсан байна. Ц.Уламбаяр. Зовлон жаргал., цээр хийх (ямар нэгэн зүйлд хориг тавих), цээр ичгүүр [хоршоо] (эрээ цээр, хүний зовж нэрэлхэх зан) - Цээр ичгүүрийг үл мэдэх элс манхнаа төрсөн. В.Инжаннаши. Хөх судар., цээр хориг [хоршоо] (хорио, хориглон цаазалсан зүйл) - Хүнийг дээрэмдэж тоноход цээр хориг гэж байхгүй. Б.Ринчен. Үүрийн туяа., хорио цээр [хоршоо] (халдварын голомтод орох, гарахыг хориглох шугам).